Türkiyə parlament komitəsinin iclasında İsveçin NATO-ya üzvlüyünü təsdiqləyib. Bunun üçün Türkiyə dövlət və qeyri-dövlət ticarəti nəticəsində İsveç, AB və ABŞ-dan böyük siyasi və iqtisadi güzəştlər aldı. Eyni zamanda, Ankara Türkiyəyə nifrət edən siyasətçiləri ölkə və şəxsən Ərdoğan qarşısında alçalmağa məcbur etdi.
Senzor.az bildirir ki, bunu rusiyalı politoloq Sergey Markov deyib. 
“Heç kim Türkiyədən belə bir tələb dalğasını gözləmirdi. Türkiyə İsveç və Avropa Birliyini diz çökdürdü. Türkiyə hamıya nümunə göstərdi - Avropa ilə daha sərt, daha həyasız olmalıyıq. Bütün dəyərlərini itirmiş avropalılar yalnız güc dilinə layiqdirlər”, - o bildirib.
Tanınmış erməni türkoloq Varujan Geqamyan da etiraf edib ki, Türkiyə bu prosedurdan maksimum yararlana bildi: “Birincisi, Ankara NATO-da siyasi çəkisini yüksəltdi və bununla da strateji muxtariyyətini genişləndirdi.
İkincisi, Türkiyə Moskvaya İsveçlə bağlı mövqeyini müvəqqəti “satmaqla” Rusiya ilə münasibətlərdə manevr etmək imkanı qazandı.
Üçüncüsü, ABŞ-ı qabaqcıl hərbi texnologiyaların tədarükü ilə bağlı danışıqlara yenidən başlamağa məcbur etdi.
Və nəhayət, gözəl bir bonus: Avropadakı kürd fiqurların həyatını əhəmiyyətli dərəcədə çətinləşdirdi. Harada və necə oynadığını bilən bir ölkə diplomatik ustad dərsi keçdi. Bunu öyrənməyə dəyər”.
