“Fransa müstəqilliyini qorumaq üçün təcili olaraq NATO-dan çıxmalıdır”.
Senzor.az xarici KİV-ə istinadən bildirir ki, bunu Fransanın Vətənpərvərlər Partiyasının lideri Florian Filippo deyib.
“Birləşmiş Ştatlarda güc elitaları bütün dünyada münaqişələri qızışdırmağa çalışırlar, Fransanın bununla heç bir əlaqəsi olmamalıdır. Təcili olaraq NATO-nu tərk etməliyik”, - o bildirib.
Siyasətçinin sözlərinə görə, “NATO və Avropa İttifaqından (Aİ) çıxmaqla Fransa müstəqilliyini bərpa edəcək və öz milli maraqlarını daha yaxşı qoruya biləcək”. 
Xatırladaq ki, 1966-cı ildə Fransa "öz ərazisində tam suverenliyə" qayıtmaq üçün NATO-nun hərbi strukturundan çıxmaq qərarı barədə ABŞ-ı xəbərdar etdi. Beşinci respublikanın banisi general Şarl de Qollun o zaman dediyi kimi, “Fransa avropalıları amerikalılara tabe edən NATO hərbi təşkilatından tədricən ayrıldı”. Amma...
2009-cu ilin yazında - de Qollun istefasından 40 il sonra - Fransa rəsmən Alyansın hərbi strukturuna qayıtdı.
Senzor.az
