“Bizim Azərbaycana, can Azərbaycanın da Türkiyəyə təşəkkür etməsinə gərək yoxdur. Çünki biz bir millətik”.
Senzor.az bildirir ki, bunu REAL TV-nin rəhbəri Mir Şahin Ağayevə müəllifi və aparıcısı olduğu populyar "MİR ŞAHİNİN VAXTI" proqramının növbəti buraxılışı üçün Antalyada verdiyi eksklüziv müsahibəsində Türkiyənin keçmiş xarici işlər naziri, Türkiyə parlamentinin NATO-dakı Nümayəndə Heyətinin başçısı Mövlud Çavuşoğlu deyib.
M.Çavuşoğlu bildirib ki, bir-birimizin haqqını-hüququnu müdafiə etməliyik və Azərbaycanın onun ürəyində xüsusi yeri var: “AŞPA-ya getdiyimiz zaman cənab Prezidentimiz Ərdoğan tapşırdı ki, Türkiyənin haqqını müdafiə edin, Azərbaycanı da yalnız buraxmayın… Hətta o zamanlarda cənab Prezident İlham Əliyev bizim Avropa İttifaqında çıxışımıza görə zəng edib Rəcəb Tayyib Ərdoğana təşəkkür etmişdi. Cənab Ərdoğan da demişdi ki, ay qardaş, təşəkkürə nə ehtiyac var, onlar da sizin millət vəkilinizdir”.
AŞPA-nın Azərbaycan nümayəndə heyəti üzvlərinin etimadnaməsini təsdiq etməməsi məsələsinə toxunan Mövlud Çavuşoğlu qeyd edib ki, dəyərlərindən uzaqlaşan təşkilatın heç kimə faydası yoxdur.
Daha ətraflı videoda:
