Həbsxanada ölən rusiyalı müxalifətçi Aleksey Navalnı martın 1-də dəfn olunacaq.

Senzor.az yerli KİV-ə istinadən bildirir ki, bu barədə siyasətçinin mətbuat katibi Kira Yarmış özünün “X” hesabında yazıb.

Bildirilir ki, dəfn mərasimi Borisov qəbiristanlığında keçiriləcək.

Xatırladaq ki, fevralın 16-da Rusiyanın Yamalo-Nenetsk Muxtar Dairəsi üzrə Federal Penitensiar Xidməti Aleksey Navalnının 3 saylı cəzaçəkmə koloniyasında ölməsi barədə məlumat yayıb. Məlumata görə, o, gəzintidən sonra özünü pis hiss edib və huşunu itirib, gələn həkimlər reanimasiya tədbirlərindən sonra onun öldüyünü müəyyən ediblər.