İsrailin kəşfiyyat xidmətləri HƏMAS-ın yaradılmasında necə və hansı formada iştirak ediblər? Bəs sonradan İsrailin terror təşkilatı ilə əlaqəsi niyə kəsilib? İsrail oktyabrın 7-də HƏMAS-ın zərbəsinin qarşısını  bilərəkdənmi almayıb? Bəs Qəzza zolağı ilə sərhəddə israillilərə kömək etməyə tələsən Tekila xüsusi təyinatlı dəstəsini kim vurub?..

İsrail və Fələstin arasında müharibənin yeni - sonsuz mərhələsinə gətirən səbəblər ətrafında bu tipli çoxlu cavabsız suallar yığılıb.

Yeri gəlmişkən, məşhur israilli analitik, Milli Təhlükəsizlik Araşdırmaları İnstitutunun (INSS) eksperti Simon Tsipisin hadisələrlə bağlı öz versiyası var. Analitik hadisələrin bu versiyasını Qərb mediasına təqdim etməyə çalışsa da, həmkarları nədənsə başqa həqiqəti dinləməkdən imtina ediblər.

Bununla belə, analitik Saymon Tsipis Azərbaycanın rusdilli populyar Haqqin.az portalının Hayfadakı səyyar studiyasının qonağı olub və onun rəhbəri, tanınmış araşdırmaçı-jurnalist Eynulla Fətullayevin suallarını cavablandırıb. 

Xatırladaq ki, Haqqin.az-ın çəkiliş qrupu neçə vaxtdır İsrailin qaynar nöqtələrində işləyir və İsrail-Livan sərhədindən silsilə reportajlar hazırlayır.

Senzor.az bütün bunları, eləcə də mövzunun və toxunulan məsələlərin aktuallığını nəzərə alaraq həmin video-söhbəti öz oxucularına  təqdim edir.