Əfqanıstan İslam Respublikasının Kabil Beynəlxalq Hava Limanında xidməti vəzifələrini yerinə yetirən 120 nəfərdən ibarət Azərbaycan sülhməramlısı və onlara məxsus silah, hərbi əmlak hava yolu ilə Ankara şəhərinə daşınıb.
Senzor.az bildirir ki, bu barədə Müdafiə Nazirliyi məlumat yayıb .
Vurğulanıb ki, qısa müddətdə hərbi qulluqçularımızın Vətənə qayıdışı planlaşdırılır.
Məlumatda o da bildirilib ki, qarşıya qoyulan tapşırıqları qardaş Türkiyə qüvvələri ilə birlikdə müvəffəqiyyətlə yerinə yetirən Azərbaycan sülhməramlıları xidməti vəzifələrini yüksək peşəkarlıqla icra edərək Əfqanıstanda təhlükəsizliyi təmin ediblər.
