Qazaxıstanda baş verən son hadisələr - "sülhməramlı" missiya adı altında Rusiya hərbi qüvvələrinin bu ölkəyə soxulması bütövlükdə post-sovet məkanında böyük silkələnmə yaratdı. Artıq xeyrli müddətdir hərbi arsenalını Ukrayna sərhədinə toplayıb işğalla təhdid edən Rusiya bu gün bütün keçmiş sovet respublikalarında "işğal qorxusu" yaradıb.Çeçenistanın birinci Prezidenti, Rusiya tərəfindən aviaterror nəticəsində öldürülmüş şəhid Cövhər Dudayev hələ ötən əsrin 90-cı illərinin əvvəlində bir videomüsahibəsində Rusiyanın işğal planları haqqında xəbərdarlıq edibmiş. Dudayevin 25 il öncəki gözləntilərinin bir çoxu reallığa çevrilib. Dudayev deyir: “Çeçenistan sadəcə bir amildir. Daha sonra sırada Qafqaz var. Sonra Baltik bölgəsi, sonra Orta Asiya. Burada nə planlaşdırırlar? Acarıstan, Abxaziya, Dağlıq Qarabağ, Cənubi Osetiya bölgələrində... Rusiya ordusu yerləşdirilir və daha sonra isə Rusiyaya birləşdirilməsi planlaşdırılır. Əslində isə məqsəd qafqazlıların Qafqazsızlaşdırılmasıdır. Daha sonra isə planda Krım var. Çeçenistan müharibəsindən sonda bütün bu ordu Krıma yerləşdiriləcək. Orta Asiyada Qazaxıstan və Qırğızıstan yeni Rusiyanın koloniyası olmalıdır. 1995-ci il üçün Rusiyanın planlarını bax belə özətləyə bilərik”.
Turkustan.az-a istinadən sözügedən tarixi videonu təqdim edirik:
