ABŞ-ın yeni seçilmiş Prezidenti Donald Tramp ölkəsinin Şimali Atlantika Alyansından (NATO) çıxma ehtimalını istisna etməyib.
Senzor.az bildirir ki, bu barədə o, "NBC Nyus"a müsahibəsində danışıb.
D.Tramp vurğulayıb ki, Vaşinqtonun Alyansda davamlı iştirakının əsas şərti müttəfiqlərin maliyyə öhdəliklərini yerinə yetirməsi olacaq.
ABŞ-ın yeni seçilmiş Prezidenti Vaşinqtonun Ukraynaya göstərdiyi hərbi yardım məsələsinə də toxunub.
Ukraynaya hərbi yardımın gələcəyi ilə bağlı suallara cavab olaraq Tramp qeyd edib ki, onun vəzifəyə başlamasından sonra Kiyev ABŞ-ın eyni səviyyədə dəstəyini gözləməyə də bilər.
