Ağcabədi rayonunun Hindarx qəsəbəsində əl qumbarası partlayıb.
Senzor.az-ın xəbərinə görə, azyaşlı uşaq qəsəbə ərazisində oynayarkən qumbara tapıb.
O, qumbaranı evə gətirib ailə üzvlərinə verərkən qumbara açılıb və bu zaman partlayış baş verib.
Nəticədə 5 nəfər - Bəhruz Quliyev, Şamil Quliyev, Natiq Quliyev, Məhəmməd Məmmədli və Murad Məmmədli ölüb, 2 nəfər - Ülviyyə Məmmədli və Aysun Quliyeva isə müxtəlif dərəcəli xəsarətlərlə xəstəxanaya aparılıb.
Hazırda hadisə yerinə hüquq-mühafizə orqanları cəlb olunub, araşdırma aparılır.
Baş Prokurorluqdan verilən məlumata görə, hazırda prokurorluq əməkdaşları tərəfindən hadisə yeri müayinə olunur və digər zəruri prosessual hərəkətlər icra edilir.
Faktla bağlı Ağcabədi rayon Prokurorluğunda araşdırma aparılır.
