İranın xarici işlər naziri Abbas Arakçı Qətərə gedib və orada HƏMAS-ın nümayəndələri ilə danışıqlar aparacaq.
Senzor.az yerli KİV-ə istinadən bildirir ki, bu barədə İran Xarici İşlər Nazirliyi məlumat yayıb.
“Səfər zamanı HƏMAS-ın yüksək səviyyəli nümayəndələri ilə görüş və Fələstində baş verən son hadisələrin müzakirəsi planlaşdırılır”, - məlumatda deyilir.
Qeyd olunur ki, Arakçı Qətər rəhbərliyi ilə də görüşəcək, tərəflər regiondakı vəziyyəti və ikitərəfli münasibətlərlə bağlı məsələləri müzakirə edəcəklər.
