Türkiyə Cümhuriyyət Xalq Partiyasının (CHP) İstanbul təşkilatı sədrinin məhkəmə qərarı ilə vəzifədən uzaqlaşdırılmasına və yerinə müvəqqəti rəhbərlik təyin edilməsinə qarşı etirazlar fonunda şəhərdə siyasi gərginlik yaranıb.
Senzor.az yerli KİV-ə istinadən bildirir ki, CHP Gənclər Təşkilatının çağırışı ilə partiya üzvləri partiya binası önündə toplaşıblar.
Lakin İstanbul Valiliyi 7–10 sentyabr tarixlərində şəhərin altı rayonunda bütün toplantı və aksiyaları qadağan edib. Qərara əsasən, yürüşlər, çadır qurmaq, imza kampaniyaları, oturaq aksiyaları və anma mərasimləri qadağan edilib.
Vali Davut Gül açıqlamasında məhkəmənin qərarını xatırladaraq yeni təyin olunan rəhbərliyin fəaliyyətinə mane olunmasının “cinayət məsuliyyəti” doğuracağını bildirib. O, sosial şəbəkədəki paylaşımında “qanunsuz toplantı və çağırışların cinayət sayıldığını” vurğulayıb.
