Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı olub.Senzor.az bildirir ki, bu barədə Türkiyə Prezident Administrasiyası məlumat yayıb.
Ərdoğan Putinlə regional məsələlərdə dialoqa hər zaman böyük əhəmiyyət verdiyini, bunun müsbət nəticələrini gördüklərini və anlaşmanı davam etdirmək əzmində olduğunu qeyd edib.
Ukraynanın suverenliyinə və ərazi bütövlüyünə qarşı atılan addımları tanımadıqlarını və bunun prinsipial bir mövqe olduğunu deyən Ərdoğan Minsk razılaşmaları əsasında nəticə əldə edilməsinin vacib olduğunu vurğulayıb.
Hərbi qarşıdurmanın heç kimə fayda verməyəcəyini söyləyən Ərdoğan ölkəsinin gərginliyin azaldılması və sülhün qorunması üçün üzərinə düşəni etməyə hazır olduğunu bildirib.
