Azərbaycan Silahlı Qüvvələrinin bölmələri Rusiya sülhməramlı kontingentinin müvəqqəti nəzarət zonasında - Xocalı rayonunun Pirlər kəndində səngər qazmağa cəhd göstərən erməni silahlı dəstələtinə xəbərdarlıq ediblər.Caliber.az-a hərbi mənbələrdən bildirilib ki, xəbərdarlıq erməni dilində səsgücləndiricilər vasitəsilə edilib.
Nəşrin məlumatına görə, xəbərdarlıqda bildirilib: “Siz Azərbaycan Respublikasının ərazisindəsiniz. Burada istənilən fəaliyyət Azərbaycan qanunları ilə tənzimlənir. Rəsmi icazə olmadan etdiyiniz hər şey qanunsuzdur. Hazırkı mühəndislik işiniz qanunsuzdur.
Müharibəyə hazırlaşmayın və ərazimizdə sərhəd qurmağa çalışmayın! Burada yaşamaq istəyirsinizsə, Azərbaycan qanunlarına əməl edin!
Təhlükəsizliyiniz üçün işi dayandırın və dərhal ərazini tərk edin. Əks halda, sizə qarşı güc tətbiq olunacaq. Zərərlərinizə görə məsuliyyət daşıyırsınız. Özünüzü və ailənizi təhlükəyə atmayın! Ərazini tərk edin! Bölgədən çıxın!”.
