Ermənistan Milli Assambleyasının növbədənkənar iclası keçirilib.Senzor.az yerli KİV-ə istinadən bildirir ki, iclasda ölkənin 5-ci prezidenti Vaaqn Xaçatryan and içərək vəzifəsinin icrasına başlayıb.
Xatırladaq ki, V.Xaçatryan 3 martda parlamentdə keçirilən təkrar seçkilərdə prezident seçilib. Yeri gəlmişkən, hakim “Vətəndaş Müqaviləsi” fraksiyasının namizədi olan Xaçatryanın seçkisini Köçəryan və Sərkisyanın fraksiyaları boykot etmişdilər.
O da maraqlıdır ki, V. Xaçatryanın andiçmə tədbirinə əvvəlki 4 prezidentdən heç biri qatılmayıb. Məlumata görə, Ermənistanın ikinci və üçüncü prezidentləri - Robert Köçəryan və Serj Sərkisyan mərasimə qatılmaqdan imtina ediblər. Birinci və dördüncü prezidentlər – Levon Ter-Petrosyan və Armen Sarkisyanın isə tədbirdə iştirakı ilə bağlı hər hansı məlumat yoxdur.
