Rusiya Qara Dəniz Donanması komandanının müavini, birinci dərəcəli kapitan Andrey Paliy Ukrayna ərazisində həlak olub.Senzor.az bildirir ki, bu barədə Ukrayna mətbuatı məlumat yayıb.
Donanma komandiri müavininin harada və hansı şəraitdə həlak olduğu barədə məlumat verilməyib.
A.Paliy barəsində yalnız o məlumdur ki, Murmansk vilayətinin Severomorsk şəhərindəki məktəbdə oxuyub, 1992-ci ildə Kiyev Ali Hərbi Dəniz Məktəbini bitirib. Sosial psixologiya üzrə müəllim ixtisasına yiyələnib. Məktəbi bitirdikdən sonra leytenant Paliy Kiyevdə Ukrayna Milli Qvardiyasının 2-ci alayının 4-cü rotasının komandirinin tərbiyə işləri üzrə müavini təyin edilib, lakin artıq 1993-cü ilin martında Ukrayna hərbi andını qəbul etməkdən imtina etdiyinə görə Şimal Donanmasına hərbi xidmətə yollanıb.
A.Paliy 2008-ci ilin avqustunda Gürcüstan ərazisində döyüş əməliyyatlarında iştirak edib. Həlak olarkən Qara Dəniz Donanması komandanının hərbi-siyasi işlər üzrə müavini vəzifəsini tuturdu.
