Ermənistanın baş naziri Nikol Paşinyan sülh sazişinin imzalanması üçün Azərbaycanla təcili danışıqlara başlamağın vacibliyini bəyan edib.Senzor.az yerli KİV-ə istinadən bildirir ki, bu barədə o, hökumətin iclasında danışıb.
“Dünyada və regionda vəziyyət gərgindir, biz gərginliyin səviyyəsinin azaldılması və fundamental həll yollarının tapılmasında özümüzü məsul hesab edirik. Düşünürük ki, Ermənistan və Azərbaycan arasında sülh danışıqları dərhal başlamalıdır”, - deyə Paşinyan vurğulayıb.
Onun sözlərinə görə, sərhədlərdə təhlükəsizliyin və sabitliyin yaxşılaşdırılması ilə bağlı tədbirlərlə paralel olaraq demarkasiya və delimitasiya üzrə işləri də sürətləndirmək lazımdır.
