“Rusiya Ukraynada kimyəvi silahdan istifadə etsə, ABŞ cavab verəcək”.Senzor.az bildirir ki, bunu ABŞ Prezidenti Cozef Bayden NATO ölkələrinin sammitindən sonra keçirilən brifinqdə deyib.
“İstifadə etsə, cavab verəcəyik. Cavab bu silahların hansı miqyasda istifadəsindən asılı olacaq”, - deyə Prezident bildirib.
Yeri gəlmişkən, “The New York Times” qəzetinin yazdığına görə, ABŞ “Tiger” adlı xüsusi qrup yaradıb. Vaşinqton bu qurup sayəsində Moskvanın nüvə, bioloji və ya kimyəvi silahlardan istifadəsinə cavab verəcək.
Amerika lideri, həmçinin Çin rəhbəri Si Cinpini Rusiyanı dəstəkləyəcəyi halda yarana biləcək fəsadlar barədə məlumatlandırdığını söyləyib: "Rusiyaya qarşı sanksiyalar ilboyu davam etməlidir. Yalnız bu şəkildə Putin dayana bilər. Dünya bu insanın nə qədər kobud olduğuna diqqət yetirir. Əgər siz Putinsinizsə və Avropanın dağılacağını düşünürsünüzsə, bu müharibə daha bir ay çəkə bilər, biz qətiyyət nümayiş etdirməliyik".
