Azərbaycan Prezidenti İlham Əliyev və Rusiya Prezidenti Vladimir Putin arasında telefon danışığı olub. Senzor.az yerli KİV-ə istinadən bildirir ki, bu barədə Kremlin Mətbuat Xidməti məlumat yayıb.
Liderlərin söhbətində əsas müzakirə mövzusu Qarabağdakı vəziyyət olub.
“Qarabağ ətrafında vəziyyətin inkişafı müzakirə edilərək regionda təhlükəsizliyin və sabitliyin təmin edilməsi üçün praktiki problemlərin həllinə diqqət yetirilib. 10 noyabr 2020-ci il, 11 yanvar və 26 noyabr 2021-ci il tarixli üçtərəfli bəyanatların bütün müddəalarının ardıcıl həyata keçirilməsinin vacibliyi bir daha təsdiqlənib”, - deyə məlumatda qeyd olunub.
Tərəflər gələcək təmaslar barədə razılığa gəliblər.
Rusiya lideri həmçinin Ermənistanın baş naziri Nikol Paşinyanla da telefon əlaqəsi saxlayıb.
