Ukrayna Prezidenti Volodimir Zelenski Almaniya Prezidenti Frank-Valter Ştaynmayeri Kiyevdə qəbul etməkdən imtina edib.Senzor.az bildirir ki, bu barədə “Bild” nəşri məlumat yayıb.
Nəşr yazır ki, V. Zelenski bu addımını Ştaynmayerin Rusiya ilə sıx əlaqədə olması ilə əsaslandırıb.
Öz növbəsində Ştaynmayer təsdiqləyib ki, o, Polşa, Litva, Latviya və Estoniyadan olan həmkarları ilə birlikdə Kiyevə getməyə hazır olub, lakin onun orada olması arzuolunmaz hesab edilib.
“Polşa prezidenti Anjey Duda bir neçə gün əvvəl təklif etdi ki, biz Estoniya, Latviya və Litva prezidentləri ilə birlikdə Ukraynaya yollanaq və ÜmumAvropa həmrəyliyi barədə mesaj verək. Mən buna hazır idim, amma ... qeyd etməliyəm ki, Kiyevdə bu səfərin olmasını istəmədilər”, – deyə Ştaynmayer vurğulayıb.
