ABŞ Prezidenti Cozef Bayden Ukraynaya səfər etməyə hazır olduğunu bildirib.Yerli KİV-in yazdığına görə, Merilend ştatında prezident təyyarəsinə minməzdən əvvəl Ağ Evin sahibi jurnalistlərlə ayaq üstə ənənəvi qısa söhbət edib və dialoq zamanı Baydendən administrasiya üzvlərindən birini Kiyevə göndərməyə hazır olub-olmadığı soruşulub.
Buna cavab olaraq, Amerika Prezidenti bildirib ki, hələlik bu barədə qərar qəbul edilməyib. Bundan sonra Amerika liderindən bu rola kimin iddia edə biləcəyini dəqiqləşdirməyi xahiş ediblər. “Siz gtməyə hazırsınız?" Bayden bir jurnalistdən zarafatla soruşub. Cavabında oxşar sualı eşidəndə isə Ağ Evin sahibi müsbət cavab verib: “Bəli!”.
**18:44
"ABŞ Prezidenti Cozef Baydenin Ukraynaya mümkün səfəri Vaşinqtonda müzakirə edilib".
TASS xəbər verir ki, bunu ABŞ liderinin milli təhlükəsizlik üzrə köməkçisi Cek Sallivan deyib.
“Biz bu barədə danışdıq. Düşünürəm ki, Prezident Ukraynaya getməkdən məmnun olar. Lakin bu, hələ ki ciddi şəkildə planlaşdırılmayıb”, - o deyib.
C.Sallivan vurğulayıb ki, təhlükəsizlik baxımından ABŞ rəsmilərinin Kiyevə səfəri barədə danışmaq istəmir.
