Bakının Binəqədi rayonunda, 6-cı mikrorayonda yerləşən 27 saylı Şəhər Poliklinikasının əvvəlki binası narkotik istifadəçilərinin məkanına çevrilib. Xəzər TV bildirir ki, illərdir faəliyyətsiz qalan poliklinika binasının demək olar ki, bütün otaqlarında istifadə olunmuş şprislərə, falqa kağızına rast gəlmək olur. Binanın narkomanların oylağına çevrilməsi ərazidə yaşayan sakinlərin də narahatlığına səbəb olub.
Məsələ ilə əlaqədar Daxili İşlər Nazirliyi Mətbuat Xidmətinin əməkdaşı Nurlan Əliyev bildirib ki, sözügedən ərazi artıq nəzarətə götürülüb.
Nazirliyin əməkdaşı onu da qeyd edib ki, əgər bu ərazidə neqativ əmələ əl ətan şəxs və ya şəxslər aşkarlanarsa, həmin şəxslər barəsində qanuna müvafiq tədbirlər görüləcək.
Daha ətraflı videomaterialda:
