"Kütləvi informasiya vasitələrində Azərbaycan Respublikasının Rusiya Federasiyasından idxal etdiyi qazın dəyərini rublla ödədiyinə dair məlumatlar yayılıb. Bildiririk ki, yayılmış bu məlumatlar həqiqəti əks etdirmir".Senzor.az bildirir ki, SOCAR-ın İctimaiyyətlə əlaqələr və kommunikasiya xidmətinin yaydığı məlumatda belə deyilir.
Qeyd edək ki, Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar “RİA Novosti”yə müsahibəsində Rusiya ilə Azərbaycan arasında bütün ticarətin təxminən 30 %-nin rublla aparıldığını və ticarət arxitekturasının qeyri-standart vəziyyətlərə tez uyğunlaşdığını bildirmişdi.
