Bakıda polis polkovnik-leytenantı iş başında dünyasını dəyişib. "Qafqazinfo"nun məlumatına görə, hadisə bu gün Xətai Rayon Polis İdarəsinin inzibati binasında baş verib.
İdarənin Cinayət Axtarış Şöbəsinin rəisi, polis polkovnik-leytenantı Zəka Anar oğlu Səfərov xidməti otağında olarkən halı qəfil pisləşib.
Dərhal təcili tibbi yardım xidmətinə müraciət edilsə də, onun həyatını xilas etmək mümkün olmayıb.
Faktla bağlı araşdırma aparılır.
Qeyd edək ki, vəfat edən polis zabiti 1990-1995-ci illərdə Naxçıvan Muxtar Respublikası Ali Məclisi sədrinin müavini olmuş Anar Səfərovun oğludur. O, həmçinin Naxçıvan MR Ali Məclisinin üçüncü çağırış deputatı olub.
