Xəbər verdiyimiz kimi, bu gün İrəvanda keçirilən etiraz aksiyası zamanı 300-ə yaxın müxalifətçi saxlanılıb.
Senzor.az yerli KİV-ə istinadən bildirir ki, bölmələrə aparılan etirazçılar arasında tanınmış siyasətçilər də var.
"Daşnaksütyun" partiyası Ali Şurasının sədri Simon Simonyan Komitas prospektində polis zorakılığı ilə üzləşib. İddia olunur ki, guya o dinc aksiya keçirirmiş. Səki ilə gedərkən polis digər aksiya iştirakçıları kimi Simonyanı da maşına mindirməyə çalışıb. Nəticədə Simonyan "Qolumu sındırdın, heyvan" deyib. Hələlik “Daşnaksütyun” rəhbərinin qolunun doğrudan da xəsarət alıb-almaması barədə dəqiq məlumat yoxdur.
