Əməkdar artist Bəhram Bağırzadə bir neçə gün əvvəl sosial şəbəkələrdə yayılan videosuna görə üzr istəyib.

Senzor.az bildirir ki, o, İnstaqram səhifəsində baş vermiş anlaşılmazlığı şərh edib. Bildirib ki, bu anlaşılmazlığa görə iki gecədir özünə gələ bilmir: “Narahatlıq keçirirəm, gecələr yatmıram, fikir çəkirəm. Çünki bir Allah bəndəsinin haqqını yemişəm və qəlbinə toxunmuşam. Videoya çəkdiyim həmin o şəxs mənim məhəllə uşağımdır. Onunla neçə ildir salamlaşıb-sağollaşırıq”.

Qeyd edək ki, aktyorun üzrxahlığı avtomobildə lentə alınıb və öncə çəkdiyi videoda yer alan şəxs də onun yanında olub.