Xəbər verdiyimiz kimi, sakinlər Bakının Keşlə qəsəbəsində yerləşən Şəhidlər xiyabanı yaxınlığında gecə klubunun açılmasına etiraz ediblər.
Ərazidə sakinlərlə klub rəhbərliyi arasında anlaşılmazlıq yaranıb, işə polis qarışıb.
DİN-in Mətbuat Xidmətinin şöbə rəisi Elşad Hacıyev deyib ki, məsələyə hüquqi qiymət veriləcək.
Məsələ ilə bağlı “ARB TV”yə açıqlama verən yerli sakinlər bildiriblər ki, gecə klubunun belə bir yerdə faəliyət göstərməsi həm şəhidlərin ruhuna, həm də ətrafda yaşayan şəxslərə qarşı hörmətsizlik idi. Gecə klubunun əməkdaşlarından biri isə deyib ki, obyekti bağlayıb, şəhərin başqa yerinə köçəcəklər.
