Belarus Silahlı Qüvvələrində yeni operativ komandanlıq yaradılacaq.

Senzor.az yerli KİV-ə istinadən bildirir ki, bu barədə Belarus Prezidenti Aleksandr Lukaşenko məlumat verib.

O qeyd edib ki, cənub istiqamətində yaradılacaq komandanlıq Ukrayna ilə sərhədə nəzarət edəcək.

A.Lukaşenko xəbərdarlıq edib ki, Belarus misli görünməmiş iqtisadi, siyasi və hətta hərbi təzyiqlərlə üzləşəcək.

Dövlət başçısı müasir şəraitdə Silahlı Qüvvələrin gələcək inkişafı istiqamətlərinin müəyyənləşdirilməsi ilə bağlı aktual məsələlərin tənzimlənməsinin zəruriliyini qeyd edib: "Vurğulayıram: tənzimləməsinin!"

"Qonşu dövlətlərdə baş verən hadisələr Belarusun hərbi təhlükəsizliyinə təhdidlərin dəyişməsinin yüksək dinamikasından xəbər verir. Hərbi gücdən istifadə və silahlı mübarizə üsullarına baxışlar dəyişir", - Belarus lideri qeyd edib.

Senzor.az