İran Silahlı Qüvvələrinin Baş Qərargah rəisi, general Məhəmməd Baqeri "313 Məxfi Dron Bazası"na baş çəkib.

Senzor.az yerli KİV-ə istinadən bildirir ki, bu barədə İran ordusunun ictimaiyyətlə əlaqələr xidməti məlumat yayıb.

Sözügedən bazanın İranın gizli və yeraltı PUA bazalarından biri olduğu bildirilir.

Səfər zamanı general Baqeriyə müxtəlif hərbi hücum və uzaqmənzilli pilotsuz təyyarələrin (“Heydər-1” raketi, “Fatras” və “Kaman-22” PUA-ları) istehsalı sahəsində ən son imkanlar barədə məlumat verilib. Qeyd edilib ki, “Heydər-1” raketi 200 kilometr uzaqlıqdakı hədəfləri dəqiq vurmaq imkanına malikdir. Yeni PUA-lar isə raket daşımaq üçün nəzərdə tutulub. Döyüş zamanı raketlə təchiz olunan “Fatras” və “Kaman-22” PUA-ları 1000 kilometrlik məsafədəki hədəfləri məhv edə bilər.

General Məhəmməd Baqeri vurğulayıb ki, Tehran regionda heç bir zaman müharibə olmasını istəmir. İranın yeni silahları yalnız müdafiə xarakterlidir.

Senzor.az