Rusiya ordusunun Cənubi Ukrayna cəbhəsində hücumu de-fakto Rusiya xüsusi xidmət orqanlarının nəzarəti altında olan separatçı Dnestryanı bölgədə təxribatların inspirasiyasına səbəb olub. Bir neçə gün əvvəl separatçı hakimiyyət Moldova xüsusi xidmət orqanlarını "respublika ərazisində terror aktları təşkil etməkdə" günahlandırıb. Bunun ardınca Rusiyanın "sülhməramlı kontingenti" separatçı ordu ilə birlikdə tam döyüş hazırlığı vəziyyətinə gətirilib. Aparıcı analitiklərin fikrincə, Dnestryanı bölgənin Rusiya-Ukrayna münaqişəsinə cəlb olunması zaman məsələsidir və bu, əsasən, rusiyalıların Dnepr istiqamətində və təbii ki, Ukrayna-Moldova sərhəddində irəliləyişinin uğurundan asılıdır.
Azərbaycanın rusdilli haqqin.az portalının reportyor qrupu Moldovadan hadisələri işıqlandırmaqda davam edir. “Jurnalist Eynulla Fətullayevin söhbətləri”nin yeni buraxılışında azərbaycanlı jurnalist briqada generalı, Moldovanın keçmiş müdafiə naziri Vitali Marinutsunu Dnestryanıya səfərə və mümkün hərbi əməliyyatların risklərini qiymətləndirməyə dəvət edib.
Senzor.az mövzunun aktuallığını nəzərə alaraq, tanınmış jurnalistin Dnestryanıdan söhbətini və reportajını öz oxucularına təqdim edir.
