Ermənistan Türkiyə ilə münasibətləri normallaşdırmağa hazırdır. Biz bunun üçün danışıqlara da hazırıq.
Senzor.az yerli KİV-ə istinadən bildirir ki, bunu ölkənin baş naziri Nikol Paşinyan hökumətin sentyabrın 8-də keçirilən iclasında deyib.
Türkiyə Prezidenti Rəcəb Tayyib Ərdoğanın bu məsələ ilə bağlı açıqlamasını xatırladan Paşinyan deyib: “Biz bu bəyanatlarda Ermənistan-Türkiyə münasibətlərinin normallaşması barədə müzakirələri görürük. Eləcə də avtomobil və dəmir yollarının bərpası məsələsi gündəmdədir. Biz daha geniş kontekst ala biləcək belə danışıqlara hazırıq”.
Onun sözlərinə görə, bu məsələdə Rusiya, Avropa İttifaqı, Fransa, ABŞ, Çin və Hindistan da maraqlıdır.
