Ukrayna Prezidenti Volodimir Zelenski Rusiya Prezidenti Vladimir Putinə qarşı sanksiyaların tətbiq edilməsi barədə sərəncam imzalayıb.
Senzor.az bildirir ki, bu barədə RBK-Ukrayna Prezidentin sərəncamına istinadən xəbər yayıb.
Sənədə əsasən, Putinə qarşı sanksiyalar qeyri-müəyyən müddətə (yəni müddətsiz) tətbiq edilir. Onlarda aktivlərin və əmlakın bloklanması, kapitalın Ukraynadan çıxarılmasının qarşısının alınması, ərazi sularına və hava məkanına girişin, qiymətli kağızlarla əməliyyatların qadağan edilməsi, vizaların verilməsindən imtina olunması və s. nəzərdə tutulur.
Bundan əlavə, Rusiya xarici işlər naziri Sergey Lavrov, Prezidentin sözçüsü Dmitri Peskov, Baş nazir Mixail Mişustin, müdafiə naziri Sergey Şoyquya qarşı da sanksiyalar tətbiq edilib.
Senzor.az
