Xəbər verdiyimiz kimi, bu gün Qoşulmama Hərəkatı Parlament Şəbəkəsinin Bakı Konfransı keçirilir.
Senzor.az bildirir ki, Azərbaycan Prezidenti İlham Əliyev konfransda çıxış edib.
İ.Əliyev deyib ki, Qoşulmama Hərəkatının Parlament Şəbəkəsi təkcə ölkələrimiz arasında həmrəyliyin gücləndirilməsinə deyil, parlamentlərarası əlaqələrin də inkişafına mühüm töhfə verəcək.
“Biz istəyirik ki, səsimiz qlobal səviyyədə duyulsun. Qoşulmama Hərəkatının Parlament Şəbəkəsi irəli sürdüyümüz yeganə təşəbbüs deyil. Digər təşəbbüs isə Gənclər Şəbəkəsidir. Gələn ay Bakı daha bir mühüm tədbirə ev sahibliyi edəcək. Gənclər Şəbəkəsinin toplantısı Bakıda keçiriləcək”, - deyə dövlətimizin başçısı vurğulayıb.
