“2018-ci ildə “Texnofest” – texnologiya festivalı ilk dəfə keçiriləndə burada 14 texnoloji yarışma təşkil olunmuşdu və 20 min nəfər qatılmışdı. Hazırda isə bu rəqəmlər 35 yarışmaya və 200 min iştirakçıya çatıb”.
Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan ölkənin İstanbul şəhərində keçirilən IV “Texnofest” tədbirində çıxışında deyib.
“O zaman iştirakçılar üçün 2 milyon lirə olan mükafat – maddi dəstək artıq 12 milyon lirəyə çatdırılıb. Festivalın tərəfdaşlarının sayı isə 28-dən 74-ə yüksəlib. Hazırda burada 88 ölkədən iştirakçı var.
Gələn il Azərbaycandan başlayaraq bu tədbiri bütün müttəfiq ölkələrdə keçirəcəyik və “Texnofest”i beynəlxalq brendə çevirəcəyik”, - deyə o qeyd edib
Qeyd edək ki, Azərbaycan Hərbi Hava Qüvvələrinə məxsus iki "MiQ-29" təyyarəsi də sözügedən festivalda nümayiş olunur.
