"İrandakı iğtişaşlar ABŞ-ın planı idi".
Senzor.az yerli KİV-ə istinadən bildirir ki, bunu İranın Ali Rəhbəri Seyid Əli Xamenei deyib.
“ABŞ prezidentini İran xalqına qarşı verdiyi zərərlərə və atdığı böhtanlara, bunların nəticəsində itkilərə görə cinayətkar hesab edirik. Son iğtişaşlar Amerikanın bir planı idi. Tramp özü bu iğtişaşlara müdaxilə etdi, açıqlamalar verdi, iğtişaşçılara dəstək verdi və hərbi dəstək verəcəyini dedi", - Xamenei əlavə edib.
O, ABŞ-ın bu hadisələri planlaşdırdığını və məqsədinin İran üzərində hökmranlıq olduğunu vurğulayıb: “Bu, hazırkı ABŞ prezidenti ilə bağlı deyil. Bu, Amerika siyasətidir”.
"X" hesabındakı paylaşımında isə Əli Xamenei bəyan edib ki, İranda baş verən son kütləvi etiraz aksiyalarında minlərlə insan öldürülüb. O, qətllərin ABŞ və İsrail tərəfindən həyata keçirildiyini iddia edib.
Ali dini lider onu da bildirib ki, aksiyalar zamanı 250 məscid, 250-dən çox təhsil və elm mərkəzi vandallığa məruz qalıb...
