Türkiyə Prezidenti Rəcəb Tayyib Ərdoğan ABŞ lideri Donald Tramp ilə telefon danışığı aparıb.
Senzor.az yerli KİV-ə istinadən bildirir ki, bu barədə Türkiyə Prezident Administrasiyasının Kommunikasiyalar İdarəsinin rəhbəri Burahəddin Duran məlumat verib.
Söhbət zamanı İran ətrafındakı vəziyyət və Fars körfəzi ölkələrində baş verən hadisələr müzakirə olunub.
Məlumata görə, liderlər regiondakı son gərginlik və təhlükəsizlik məsələləri barədə fikir mübadiləsi aparıblar.
B.Duran bildirib ki, telefon danışığında İran və Fars körfəzi regionunda baş verən cari proseslər diqqət mərkəzində olub.
Qeyd edək ki, regionda vəziyyət ABŞ və İsrailin İrana qarşı başladığı hərbi əməliyyatlardan sonra daha da gərginləşib.
