Fransanın sabiq prezidenti Nikola Sarkozi bir il müddətinə azadlıqdan məhrum edilib.Məhkəmə onu 2012-ci il prezident seçkiləri kampaniyasını qeyri-qanuni maliyyələşdirməkdə təqsirli bilib.
Məhkəmə iclasında sabiq prezident özü iştirak etməyib.
İttihama əsasən, o, 2012-ci il seçki kampaniyasına qanunla icazə verilən 22 milyon avro əvəzinə 42 milyon avro sərf edib.
Məhkəmənin qərarına görə, Sarkozi həbs müddətini elektron qolbaq taxacaq.
Sabiq prezidentlə yanaşı 13 nəfər də iş üzrə təqsirli bilinib.
Azvision.az xatırladır ki, bu, N. Sarkozinin barəsində ikinci cinayət işidir. Bu ilin martında məhkəmə korrupsiya və vəzifə səlahiyyətlərindən sui-istifadə etməkdə təqsirli bilərək ona 3 il həbs cəzası verib, daha sonra həbs cəzasından 2 il silinib.
