Gürcüstan Mərkəzi Seçki Komissiyası (MSK) yerli özünüidarəetmə orqanlarına oktyabrın 2-də keçirilmiş seçkilərin nəticələrini açıqlayıb.
Senzor.az yerli KİV-ə istinadən bildirir ki, bülletenlərin 99,92 faizinin hesablanmasından sonra hakim “Gürcü arzusu" partiyası 46,5 faiz səslə irəlidədir.
Komissiyanın məlumatına görə, “Gürcü arzusu" proporsional siyahı üzrə 46,65 faiz seçici dəstəyi alıb.
Gürcüstanın sabiq prezidenti Mixail Saakaşvilinin qeyri-rəsmi lideri olduğu müxalif Vahid Milli Hərəkat Partiyası 30,7 faiz səs toplayıb.
Məlumata əsasən, paytaxt Tbilisi də daxil olmaqla, 20 səhər və rayonda mer seçkilərinin ikinci turu keçiriləcək.
