Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti “Facebook”, “Instagram” və “WhatsApp”da yaranmış problemin səbəbini açıqlayıb.
Senzor.az-ın məlumatına görə, açıqlamada deyilir ki, ötən gün bir neçə saat ərzində istifadəçilər sözügedən platformalara daxil ola bilməyiblər.
“Facebook” şirkətinin verdiyi açıqlamaya əsasən, “Facebook”, “Instagram” və “WhatsApp” xidmətlərinin göstərilməsində dayanmalara konfiqurasiyada səhvən edilən dəyişiklik səbəb olub.
Şirkətin data mərkəzləri arasında trafiki təşkil edən əsas şəbəkə qurğularının konfiqurasiyasında edilən dəyişikliklər daxili sistem və şəbəkələrə təsir göstərib və bərpa prosesini çətinləşdirib.
Hazırda istifadəçilərin məlumatlarının sızmasına dair hər hansı sübut yoxdur.
Bu istiqamətdə əlavə hər hansı yenilik olarsa, ictimaiyyətə məlumat veriləcək.
