Müdafiə Nazirliyinin Maliyyə və Büdcə İdarəsinin rəisi vəzifəsindən bu yaxınlarda azad edilmiş polkovnik Nəriman Cabbarova yenidən yüksək vəzifə verilib.

“Qafqazinfo”nun əldə etdiyi məlumata görə, bu barədə müvafiq əmr imzalanıb.

Əmrə əsasən, polkovnik Nəriman Cabbarov Müdafiə Nazirliyi İşlər İdarəsinin rəisi təyin edilib.

Qeyd edək ki, polkovnik N.Cabbarov hazırda həbsdə olan general-mayor Nizami Məmmədovdan sonra MN-nin Maliyyə və Büdcə İdarəsinin rəisi işləyib.