Ermənistanın baş naziri Nikol Paşinyan hökumətin siyasəti ilə razılaşmayan xaricdəki diplomatik nümayəndəliklərin rəhbərlərini istefa verməyə çağırıb.

“Hraparak” qəzeti yazır ki, Paşinyan Ermənistanın xaricdəki səfirləri ilə İrəvanda keçirdiyi ikigünlük görüşdə belə deyib.

Hökumətdəki mənbələrdən əldə etdiyi məlumata əsaslanan qəzet yaxın günlərdə bir sıra səfirlərin ya Paşinyanın göstərişi, ya da öz xahişi ilə geri çağırılacağını bildirib. Maraqlıdır ki, bəzi erməni KİV-ləri Paşinyanın tezliklə hökumətdə də bir sıra dəyişikliklər edəcəyini yazırlar.

Qeyd edək ki, səfirlərin Paşinyanla görüşü avqustun 26-da olub.