İranlı generalın rus qüvvələrinə təlim keçmək məqsədilə Ukraynada olduğu iddiasının heç bir əsası yoxdur.

Bunu İran Xarici İşlər Nazirliyinin sözçüsü Nasir Kənani deyib.

O, İranın Rusiya ilə Ukrayna arasındakı problemin sülh yolu ilə həllinə maraqlı olduğunu bildirib: "Belə əsassız iddialar müəyyən siyasi məqsədlər üçün irəli sürülür. Bu cür ittihamlar İranın Ukraynadakı gərginliklə bağlı prinsipial yanaşmasına ziddir".

Axar.az xatırladır ki, Ukrayna Təhlükəsizlik Xidməti İran İslam İnqilabı Keşikçiləri Korpusunun(SEPAH) briqada generalı Abbas Musa Şərifi Molasareinin 2022-ci ildə bir qrup təlimçi ilə Rusiya hərbçilərinə PUA təlimi keçmək üçün Krıma gəldiyini iddia edib. Ukraynanın baş prokuroru Andrey Kostin isə Kiyevə qarşı müharibədə Rusiyaya kömək etdiyi üçün iranlı generala cinayət işi açdığını bildirib.