Çalışmanın yaş həddinə çatmış direktorların fəaliyyətləri ilə bağlı araşdırma aparılıb.
Senzor.az bildirir ki, bu barədə Məktəbəqədər və Ümumi Təhsil üzrə Dövlət Agentliyindən məlumat verilib.
Bildirilib ki, aparılan araşdırmalar nəticəsində ümumi təhsil müəssisələrində bəzi çatışmazlıqlar və nöqsanlar, eyni zamanda şagirdlərin nəticələrində geriləmələr müşahidə edilib.
Nəticədə, ölkə üzrə ümumilikdə 64 məktəb direktorunun 2024-2025-ci tədris ili üçün müqavilələrinin uzadılmaması qərara alınıb.
O da qeyd olunub ki, tədris prosesinin keyfiyyətinin artırılması və müəssisələrin fəaliyyətində şəffaflığın təmin edilməsi istiqamətində həyata keçirilən nəzarət tədbirləri sistemli və ardıcıl şəkildə davam etdirilir.
