BMT öz işçilərini belə qoruya bilmir. Bu biabırçılıqdır və bizi narahat edir.
Senzor.az bildirir ki, bu açıqlama ilə Türkiyə Prezidenti Rəcəb Tayyib Ərdoğan çıxış edib.
"Təsəvvür edin, İsrail tankları BMT zonasına daxil olur, sülhməramlılara hücum edir, onlardan bəzilərini yaralayır və BMT Təhlükəsizlik Şurası bütün bu quldurluğu sadəcə seyr edir. BMT Təhlükəsizlik Şurası İsraili dayandırmaq üçün nə gözləyir?" – deyə Ərdoğan sual edib.
O, həmçinin xatırladıb ki, İsrail rəhbərliyi əvvəllər Suriyada terrorçuları dəstəkləyən və Türkiyənin onlarla döyüşməsinə mane olan ölkələrdən razılıq və yardım alır.
