Gürcüstanda parlament seçkilərinə 6 gün qalmış müxalifət tərəfdarları ölkənin Avropa Birliyinə inteqrasiyasına dəstək məqsədilə paytaxt Tiflisdə yürüş keçirirlər.
TASS xəbər verir ki, əllərində Gürcüstan və Avropa Birliyinin bayraqları olan mindən çox paytaxt sakini “Gürcüstan Avropa Birliyini seçir” adlı yürüş keçirir.
“Seçkiyə gəlin” plakatları ilə keçirilən aksiyada iştirakçılar paytaxtın mərkəzinə, Azadlıq meydanına getməyi planlaşdırırlar.
Senzor.az-ın məlumatına görə, bir az əvvəl məlumat verilib ki, Gürcüstan Prezidenti Salome Zurabişvili də aksiyada iştirak edir.
Bildirilir ki, Prezident yürüş iştirakçıları qarşısında çıxış edib.
