Vaşinqton Ermənistanı dəyərlərindən, ənənələrindən və faydalı iqtisadi əlaqələrindən imtina etməyə, "milli intihar"a sürükləyir.
TASS xəbər verir ki, Rusiya Xarici Kəşfiyyat Xidmətinin mətbuat bürosunun məlumatında belə deyilir.
"Vaşinqton hesab edir ki, ABŞ-ın başçılıq etdiyi "sivil cəmiyyət"ə qoşulmaq kimi "yüksək məqsəd"ə nail olmaq üçün erməni xalqı öz ənənələrindən, milli ictimai dəyərlərindən və son illərdə iqtisadiyyatının dinamik artımını təmin edən Avrasiya İqtisadi İttifaqındakı (Aİİ) ən yaxın tərəfdaşları ilə sabit ticari-iqtisadi əlaqələrindən imtina etməlidir.
Beləliklə, Vaşinqton israrla Ermənistanı “milli intihar"a sürükləyir", - məlumatda qeyd olunub.
