Gürcüstanın müxalifət partiyaları paytaxt Tbilisidə yürüş keçirirlər.
APA xəbər verir ki, 26 oktyabr parlament seçkilərinin nəticələrinə etiraz edən müxalifət tərəfdarları “Rusiya seçkilərinə yox!” şüari səsləndirirlər.
“Dəyişiklik üçün”, “Güclü Gürcüstan” və “Birlik-Milli Hərəkat” koalisiyalarının təşkil etdiyi yürüş şəhərin iki nöqtəsində başlayıb və Qəhrəmanlar meydanında başa çatacaq. Etirazçılar 26 oktyabr seçkilərinin nəticələrinin ləğv edilməsini və yeni parlament seçkilərinin keçirilməsini tələb edirlər.
