Polşa Prezidenti Anjey Duda BMT-nin İqlim Dəyişikliyi üzrə Çərçivə Konvensiyasının (COP29) Bakıda keçirilən 29-cu Tərəflər Konfransının açılış mərasimində birgə foto çəkilişinə qatılmayıb.
Senzor.az bildirir ki, “Interia” portalının Polşa liderinin yaxın ətrafına istinadən xəbərinə görə, buna səbəb Belarus Prezidenti Aleksandr Lukaşenkonun orada olması olub.
"Bu, cənab Prezidentin şüurlu qərarı idi. “Family photo” ailə şəklidir, cənab Prezident qərara gəldi ki, Aleksandr Lukaşenko ilə birlikdə ailə şəklinin olmasını istəmir", - deyə portalın həmsöhbəti bildirib.
