ÇXR sədri Si Cinpin ABŞ-ın yeni seçilmiş Prezidenti Donald Trampın gələn ay Vaşinqtonda keçiriləcək andiçmə mərasiminə getməyəcək.

“CBS News” telekanalı bu barədə məlumatlı mənbələrə istinadla xəbər yayıb. 

Məlumata görə, mərasimdə Çinin ABŞ-dakı səfirinin və həyat yoldaşının iştirakı gözlənilir. Onlara Pekindən digər rəsmilər də qoşula bilər.

Xatırladaq ki, bundan əvvəl Donald Trampın ÇXR sədri Si Cinpini 2025-ci il yanvarın 20-nə planlaşdırılan inaqurasiya mərasiminə dəvət etdiyi bildirilmişdi.