Milli Məclisin 2024-cü il payız sessiyası başa çatıb.
Senzor.az bildirir ki, parlamentin sədri Sahibə Qafarova payız sessiyasını bağlı elan edib.
O qeyd edib ki, Milli Məclis payız sessiyasında 16 iclas keçirib, 84 qanun, 41 qərar qəbul edib.
Sonda Azərbaycan Respublikasının Dövlət Himni səsləndirilib.
Bununla da Milli Məclisin payız sessiyasının sonuncu plenar iclası işini başa çatıb.
Qeyd edək ki, Milli Məclisin Daxili Nizamnaməsinə əsasən, parlament yanvar ayının 1-dən 15-dək tətildə olacaq və deputatlara məzuniyyət veriləcək. Nizamnaməyə əsasən, parlamentin 2025-ci il yaz sessiyasının ilk plenar iclası fevralın 1-də keçirilməlidir.
