"Ermənistan Minsk qrupunun ləğvi məsələsi ilə bağlı ATƏT-ə müraciət etmək niyyətindədir".

Bu barədə Ermənistan baş nazirinin mətbuat katibi Nazeli Baqdasaryan özünün sosial şəbəkə hesabında yazıb.

N.Baqdasaryan Ermənistanın Azərbaycanın ərazi bütövlüyünü tanıdığını və sülh sazişi imzalamaqla bunu təsdiqləməyə hazır olduğunu açıqlayıb.

Qeyd edək ki, iki gün əvvəl Ermənistan baş naziri Nikol Paşinyanın Azərbaycanla sülhə nail olmaq üçün təklifləri məlum olub. O, bununla bağlı sosial şəbəkə hesabında paylaşım edib. Təkliflərdən biri də məhz ATƏT-in Minsk qrupunun ləğvi olub.

Minsk qrupunun ləğvi Ermənistanla sülh üçün Azərbaycanın əsas tələblərindən biridir.